R :
     Uda sayang antah bilo uda kapulang
     Bajanji nak maminang kadiri denai surang
     Nan tak kunjuang datang
     Denai manantikan tabusan janji uda

P :
Basalah diak basaba dahulu sayang
Denai pasti kapulang namun badan tagadai
Dirantau urang
Usah ragu jo bimbang doakan denai oi sayang

R :
     Oi uda sayang bukan denai ndak picayo
     Namun urang tuo denai nan alah batanyo
     Nan den takuikan ka di jodohkan jo urang
     Nan bukan denai sayang
     Usah balamo dirantau urang 
     Denai nantikan uda pulang ka ranah minang

P :
Oi adiak kanduang sibiran tulang
Indak lah mungkin denai ka lupo
Jo janji nan alah kito buek samaso dulunyo
Nasib nan tak elok nan jadi panghalang
Mangko nyo kini denai alun pulang
Mujua kok isuak seso lai hilang
Tacapai cito cito maminang adiak den sayang